منتدى لكل المهندسين
 
الرئيسيةالبوابةبحـثالتسجيلدخول

شاطر | 
 

  ايه الامكانيات المتاحه الى ممكن تخليكـ تجيب تقدير؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mostafa essa
Admin
avatar

عدد المساهمات : 158
تاريخ التسجيل : 26/10/2010

مُساهمةموضوع: ايه الامكانيات المتاحه الى ممكن تخليكـ تجيب تقدير؟   الأربعاء سبتمبر 28, 2011 5:23 am

* ايه الامكانيات المتاحه الى ممكن تخليكـ تجيب تقدير؟؟!!!


سٌِِّؤآل كَآنْ مًحٍّيَرٌٍنْى وٍسٌِِّآلتُِِّْ نْآسٌِِّ كَتُِِّْيَرٌٍ عًٍليَهٍَ


مبدئيا احب اقولكم ان اهم حاجه فى الكلية الحضور ثم الحضور ثم الحضور......... ومتحاولش تضيع سكشن ولا محاضرة


كلمه هتسمعها كتير ولسه صداها فى ودنى لحد دلوقت من كتر ما سمعتها قبل كدا من اغلب الدفعه الا من رحم ربى وهيا (كبر كبر دماغك ........ مش فارقه .......هيا جت على دى ....etc

* طب ممكن تركز فى الكام سطر الى جايين دول؟!! وقولى بعدها اد ايه انتا اطمنت ان اعدادى سنه سهله وممكن تجيب فيها تقدير بفضل الله





1- آلمـحـآضــرة:- بيلقيها عليك الدكتور في المدرج..هاكون صريح معاك وهاقولك انك مابتخرجش فاهم بنسبة 100% في المحاضرة ولا 60% حتى ..ومع ذلك لازم تحضرها ليه بقى ؟؟..حتى لو مافهمتش يابشمهندس ..ركز بس في المحاضرة واكتبها ..هتلاقيك سمعت كام جملة وصلت دماغك كام معلومة من حضورك تروح بيتك تقرا اللي كتبته من المحاضرة يزيد فهمك للموضوع وتحس انك فاهم اكتر ..لما تيجي بقى يتشرحلك الكلام ده في السكشن هايبقى عندك فكرة سمعته قبل كده مش مييح ..تخرج من السكشن وانت فاهم 90% تذاكر في بيتك وتحل تبقى تمام التمااااااااااااااااااام ..


2-آلسكشن:- ده بقى لازم تحضره ..مش لانه بيتاخد فيه غياب وبس ..ده لانه المصدر الاساسي للفهم بالنسبالك
يعني لو مافهمتش فيه مش هاتفهم خالص..سيبكـ من حكاية كورس دى افهم السكشن الاول ......فلازم تحضره وتنقل كل كلمة فيه وتستغل المعيد اسوء استغلال تسئله في اي حاجة مش فاهمها بحيث تطلع منه وانت فاهم اكبر قدر ممكن او حاسس انك فاهم بصفة كبيرة ..
وبعد ماتطلع عين المعيد ممكن لو لسه عندك لبس تستغل زمايلك ..عن تجربة شخصية الحاجة اللي بتتشرحلك م
ن واحد زميلك مابتنسهاش ابداااا..


3- آلمـعـآمـل:- ودي بتاخد فيها سكاشن العملي في الفيزياء والكيمياء بالاضافة للورش والى بتاخدها معا مادة هندسة الانتاج فى التيرم التانى ..

4- آلـًٍمـًٍـكًٍـًٍـًٍتـًٍـًٍبـًٍة:- مش هاضحك عليكو واقول اننا بنستخدمها ..بس الاستخدام الوحيد ليها كان حل الشيتات الناقصه وتعد تتسلى بشوية سودانى للاسف ........ فحاولوا تستغلوها فى اى حاجه مفيدة مش هقولك تقرأ كتب كفاية الكتب الى عندكـ .


5-آلكـتـبـ بـتـآعـتـ آلكـليـة:- اعتمادك بصفة كبيرة بيبقى على الشيتات بتحلها عشان تعرف مسائلها وبعدين بتسلمها عشان تاخد اعمال السنة انما الكتاب نفسه ..لو عايز تذاكر منه ممكن ..بس مش كتير بيعملو كده لان الكتب بتبقى انجليزي ومفيش وقت للترجمة وخلافه فالاعتماد الاكبر بيبقى على الورق اللي بتشتريه من برة والكلام اللي بتكتبه في المحاضرة والسكشن ده اللي بتذاكر منه ..انما الكتب ممكن تاخدها معاك المحاضرات عشان تساعدك في فهم الدكتور بيقول ايه او ماشي ازاي تعرف تتابعه يعني ..لان الدكاترة بيشرحو من الكتاب بنفس الكلام اللي مكتوب فيه خصوصا لو كان الشرح على البروجيكتور بتبقى شرائح البور بوينت اللي الدكتور بيشرح منها هي هي الموجودة في الكتاب عشان كده ممكن تاخد الكتاب معاك المحاضرة عشان تقدر تتابع كويس مع الدكتور




بٌَِسٌِِّ هٍَآنْتُِِّْكَلمً عًٍنْ آلآمًكَآنْيَآتُِِّْ آلمًتُِِّْآحٍّة ليَكَ خٌِآرٌٍجًِْ آلكَليَة :-

آلورق :- وده بينزله المعيدين وبيكون نسخة منن الورق اللي المعيد بيشرح منه في السكشن وكل معيد وله اسلوبه في الشرح ..انت بتختار الاسلوب الافضل ليكـ واللي انت تقدر تفهم منه وده بيختلف من واحد للتاني ..بس نصيحة لو المعيد اللي بيديك في السكشن بتفهم منه وبينزل ورق حاول تجيب ورقه عشان ماتتلخبطش لانك اتعودت على اسلوبه ..وطبعا الورق برغم ان الدكاترة مابتعترفش بيه الا انه يعتبر اكتر شيء بتعتمد عليه في المذاكرة خصوصا لو مش ناوي تاخد كورسات بيبقى اعتمادك في المذاكرة على اللي بتكتبه في المحاضرة والسكشن والورق اللي بتشتريه..

آلكورسات:- ودي برضه بيديها بعض المعيدين اللي بينزلو ورق ..ودي لو مشيت زي ما اتفقنا وواظبت في الكلية مش هتحتاجلها خالص ..يعني الامكانية دي هاتسيبها للاخر ..وماتفكرش فيها الا من بداية الترم التاني لو لاقيت نفسك خلاص مش قادر تمشي لوحدك ومحتاج جدا لكورس ..ممكن تاخد كورسات من اول الترم التاني ..بس نصيحة ماتفكرش في الكورسات من دلوقتي لانها هاتضيع وقتك ولو ماركزتش معاها يعني تاخد الكورس وماتذاكرش حاجةدلوقت
ساعتها الكورس مش هايفيدك باي حاجة..حاول بس تنتظم من الاول وان شاء الله مش هتحتاج للكورس اطلاقا وزي ماقولنا ماتفكرش في الكورسات الا بعد اجاة نص السنة لو لاقيت نفسك لسه تايه ومش قادر تمشي في مادة معينة


فاضل حاجه اخيرة وهيا البيت... سيبك من حكاية كام ساعه مزاكرة دا الواحد كان بيذاكر فى الثانوى 18 ساعه لا مفيش الكلام دا طبعا
المحاضرة الى تاخدها تذاكرها فى نفس اليووووووووم ومش هتاخد واللهى غير نص ساعه تركيز وتمت بحمد الله وابقى ارجعلها تانى يوم امتحان ال Quize او ال MidTearm

وطبعا السكشن تحل مسائله تانى والشيت حاول تحله بأيدكـ ولو انه بيبقى هيروغليفى شوية بس مجرد المحاولة هتخليكـ تفهم الليلة ماشية ازاى على الاقل


* اسف على الاطالة واتمنى ان ولو واحد بس يكون فهم كلامى واستفاد منه ودا غرضى من الموضوع


ولو فى اى استفسار او مشكلة راسلنى او تعرضوها هنا فى الموضوع واى حد من الزملا الى عدوا اعدادى هيجاوبوا عليها باذن الله


آتـمـنـى آلتــؤفـيـقـ للجـمـيـعـ ؤفـى آمـآنـ آللهـ

_________________


للقيادة عنوان




by : abo essa....
الرجوع الى أعلى الصفحة اذهب الى الأسفل
 
ايه الامكانيات المتاحه الى ممكن تخليكـ تجيب تقدير؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى هندسه الفيوم :: ( ملتقى الطلاب ) :: إعدادي هندسة-
انتقل الى: