منتدى لكل المهندسين
 
الرئيسيةالبوابةبحـثالتسجيلدخول

شاطر | 
 

 نصايح التلميح من طالب دحيح ( سلسة نجحنى شكرا ) الجزء الاول

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mostafa essa
Admin
avatar

عدد المساهمات : 158
تاريخ التسجيل : 26/10/2010

مُساهمةموضوع: نصايح التلميح من طالب دحيح ( سلسة نجحنى شكرا ) الجزء الاول   الأربعاء سبتمبر 28, 2011 6:44 am

اولا الطلبه الدحيحه ملهش دعوه بالموضوع ده
هنا الدخول للطلبه الطبيعين فقط

بعد ما لاحظته من حالة
الاحباط المسيطره على طلبة اعدادى ومن ناحيه اخرى ظاهرة التنفييييض الواضحه
من قبل بعض الطلبه قررت ان اساعد وانقذ ما يمكن انقاذه

موضوعى عن اذاى تنحج يدوب ع
الجيد

انا هديكوا شويه نصايح عامه
كده من بق المعيدين وبعد
كده نخش فى نصايح الطالب الخبره

ومبدأى : الاهم من العلم تظبيط العلم
اول حاجه
فكك من حوار المواد صعبة ... المواد صعبة ايوه ياعم المواد صعبه ومقفرفه
وزى الزفت طيب وبعدين ؟

ما انت كده كده هتمتحن فيها
وكده كده مش هتطلع من الكليه من غير ما تنجح فيها كورس ولازم تدرسه وتنجح
فيه

يعنى من الاخر لو اتنططت او
وقفت على راسك برضه لازم تنحج فيه ده لو كنت ناوى تكمل فى حبيبتك الهندسه

فاى كلام انت بتقوله او غيرك
بيقوله مش هيفيدك غير الاحباط وبس وبرده نهايه واحده يا تذاكر وتنجح يا
تشيل وتدبلر

ثانيا فكر
كده ثوانى
لو الماده صعبه العالم الى نجحت دى نجحت اذاى والعالم
بتوع الامتياز دول من كوكب تانى

لا ياعم لا كوكب تانى ولا
بتاع الناس دى ذاكرت ربع مذاكرة الثانويه العامه بس

الاهم والاهم ان ديما كل سنه
الحوار ده بيحصل كله يقول مش فاهم حاجه انا هسقط والغريبه ان تلاقى الناس
كلها جيبه تقدير تفهم ايه بقى من كده؟؟؟!!! ان
كل الى حواليك بيشتغلوك وانت الى روحت فى وسطهم يا عينى

بمعنى تانى الى قدامك فى
الكليه مش بيحضر وصايع فى تل ابيب او السنتر عنده
مصدر تانى بيظبطه يا اما بياخد كورس يا ما فى حد اكبر منه بيشرحله وقد
يكون الراجل ده من النوع الى عنده القدره انه يذاكر قبل الامتحان ويقدر
ينجح وبرده مش بتبقى مضمونه اوى وخلى بالك صاحبك الانتيم مش مسؤل عنك يعنى
مش مفروض كل يوم يقولك انه ذاكرت انبارح ولا لأ ساعة الامتحان كل بيفك بنفسه

المهم ان الحوار بيقف عند
نقطه واحده ان كل واحد مع نفسه ومسؤل عن نفسه واذا كنت فكر ان فى دكتور
هتصعب عليه ويرفعك لو كنت ساقط فتقدر تبص لنسبة السقوط فى اعدادى والاقسام يعنى حالل هتنجح مش حالل مع
نفسك

نفكنا من الاحباط ونشوف بقى
المذاكر


اول حاجه مفيش مشكله انك
تذاكر من الكتب او تذاكر من الورق الفرق مش كبير ومتشككش فى الورق وتقول
مكتوب غلط الورق ده كتبه معيدين ده طبعا لو انت جيبه من مكتبه مضمونه ذى
.... انتوا عارفين

وياعم عشان تبقى متطمن من
نحية الورق شوف اصحابك الى بيخدوا كورسات وصور منهم الورق .. هتقولى عليه علامه يا كبير هقولك فى
ملييييييييون
مكتبه بتفك العلامه

بالنسبه للكتب لها منا كل
تقدير واحترام وعلى فكره الكتب جاااامده بس احنا اتربينا ان الكتب وحشه وان المذاكرات عليها عسل

وعشان الامانه ... الماده الى
بتذاكرها من الكتاب بتقدر فيها ان شاء الله

اسلوب المذاكره
مش قرايه جرايد
... يعنى ايه ؟! يعنى مفيش حاجه تعدى من تحت ايدك الا لما تكتبها بايدك
مره واتنين ممكن تكون متخيل انها حاجه هبله ومش تكتبها اقسملك انك فى
الامتحان مش هتحط فيها قلم

النصيحه دى خدتها من بشمهندس فلــــــة " الحاجه ألى مش هتكتبها بايدك مش هتكتبها
فى الامتحان "

ياعم ذى ما عقلك وعينك قالوا ع
المسئله دى سهله خلى ايدك كمان تقول وصدقنى والله فى مسائل كانت ايدى الى
بتفكرنى

ومن الاخر اقسملك ان الى مش
هتحله بايدك قبل الامتحان مش هتكتبه فى الامتحان

هتلاقى ايدك وقفه ,ذى ما تقول
مقموصه انها مش خدت حقها فى المذاكره

كفايه كده عشان الموضوع مش
يبقى ملل وهكملكوا الباقى قريب



_________________


للقيادة عنوان




by : abo essa....
الرجوع الى أعلى الصفحة اذهب الى الأسفل
 
نصايح التلميح من طالب دحيح ( سلسة نجحنى شكرا ) الجزء الاول
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى هندسه الفيوم :: ( ملتقى الطلاب ) :: إعدادي هندسة-
انتقل الى: