موضوع: حركة عشان تسرع الرسمة فى ايدك الأربعاء سبتمبر 28, 2011 6:52 am
متهيألى مش كتير يعرفوها فعشان كدة هقولها يمكن تفيد الناس:
بصوا دلوقتى لو إنت عندك بعد ناقص فى الرسمة المفروض إن سعادتك تستنتجه و الرسمة كعبلت معاك و دماغك وقفت لحظيا هتعمل إيه يا فالح
بص يا عم الرسمة اللى بتجيلك بتبقا عبارة عن رسمة موجودة على الكمبيوتر و متصغرة ب scale معين
مش المفروض إن الأبعاد اللى بيحطهالك دى تبقا عشوائية المفروض فيه مقياس يعنى
طب أعمل ايه يعنى مش فاهم !!!
بص يا عم
انت أول متيجى الرسمة تقوم ماسك أى بعد فيها هوا مديهولك فى المسقط اللى انت بتشتغل فيه (يعنى الموضوع ده تعمله لكل مسقط لوحده)
تمسك أى بعد مثلا حاجة طولها 180 مم
و بعدين تقوم قايسها على الرسمة اللى قدامك تطلعلك مثلا 8 مم
تقوم قاسم 180 على 8 يديك 2 و كسر كدة
يبقا ده ال scale بتاعك يا عم
تقيس بقا أى بعد غامض أوى عليك متكونش عارف تجيبه على الرسمة نفسها و تضربه فى القيمة دى يديك البعد الحقيقى (ولا من شاف ولا من درى)
بس المهم بقا:
1- قبل ما تاخد المقياس بتاعك ده اعمل الموضوع ده لكذا قياس عشان تتأكد إن المقياس ده مظبوط 2-الموضوع ده فيه نسبة خطأ مقبولة يعنى عشان بتبقا صغيرة (بالذات فى رسم ال machine) 3-متستسهلش الموضوع عشان متزعلش فى الاخر لما تلاقى نسبة الغلط كترت فى الرسمة و يبقا شكلها وحش اشطة